દર્દીઓ માટે –ટીફીન સેવા પ્રકલ્પના હેતુઓ

કપડવંજ શહેરમાં અનેકવિધ દવાખાના આવેલા છે,જેમાં દર્દીઓને ઉત્તમ આરોગ્ય સેવાઓ ઉપલબ્ધ થાય છે,પણ સારવારની વધારે જરૂરીયાતવાળા દર્દીઓને દવાખાનામાં રોકાવું પડે છે.આવા સમયે કપડવંજ શહેરના દર્દીઓ તો સરળતાથી રહેવા-જમવાની વ્યવસ્થા કરી લે છે.પણ ગામડેથી આવતા દર્દીઓનેદવાખાનામાં રહેવાની સગવડ મળી રહે છે,પરંતુ જમવાની સગવડ કોઈ દવાખાનામાં ઉપલબ્ધ ના હોવાથી ઘણી મુશ્કેલીનો સામનો તેઓને કરવો પડે છે. આપણી શાખાના સભ્યોએ આ પરિસ્થિતિનું અવલોકન કર્યું.અને નિર્ણયકર્યો કે આવા દવાખાનામાં જમવાની સગવડ ઉપલબ્ધ નથી તેવા જરૂરીયાતમંદ દર્દીઓ માટે ટીફીન સેવા શરૂ કરવી.આપણી શાખાના સભ્યોએ સર્વે કરતાં ખરેખર જરૂરીયાત હોય તેવા ગામડાના દર્દીઓ ઘણી બધી હોસ્પિટલમાં હોય છે,જેમાં ત્રિભોવનદાસ ફાઉન્ડેશન સંચાલિત હોસ્પિટલમાં વિશેષ જોવા મળ્યા.તેથી શાખાએ સર્વાનુમતે પાયલોટ પ્રોજેક્ટ તરીકે દરરોજના દશ ટીફીન ત્રિભોવનદાસ ફાઉન્ડેશન હોસ્પિટલમાં પહોચાડવા તેમ નક્કી કર્યું.

પ્રોજેક્ટની રૂપરેખા

• ટીફીન સેવા સમાજના જુદા જુદા વર્ગના પરિવારોને અન્નદાનમાં સાંકળવા માટેના ઉદ્દેશ્ય સાથે તારીખ:-૨૧/૦૬/૨૦૧૭ને વિશ્વ યોગદિવસેશરૂ કરવામાં આવ્યો.
• આજેઆ પ્રકલ્પ ચોથા માસમાં કાર્યરત છે ત્યારે આજની તારીખે ટીફીનદાતાઓનીઅન્નદાનની સેવાથી ૧૧૧૦ટીફીનગરીબદર્દીઓનેપહોચાડીશક્યા છીએ.
• ટીફીન સેવાના કાયમી આર્થિક સહયોગના દાતાશ્રી જીવનશિલ્પ પરિવારજનો રહેશે.
• ટીફીન સેવા માટે ટીફીનના દાતાશ્રી અર્ચનાબેન કે. પટેલ છે.
• ટીફીન સ્વીકારી જરૂરીયાતમંદ દર્દીઓ સુધી પહોચાડવાના સેવાયજ્ઞમાં સહયોગી સંસ્થા ત્રિભોવનદાસ ફાઉન્ડેશન (હોસ્પિટલ)કપડવંજ રહેશે. તથા ભવિષ્યમાં આવા સેવાકીય ઉદ્દેશ્યથી સેવાકાર્ય કરતી અન્ય સંસ્થાઓ પણ રહેશે.

પ્રોજેક્ટની કાર્યપદ્ધતિ

• ટીફીન દાતા પરિવાર દર મહિનાની નક્કી કરેલ તારીખે માત્ર એક ટીફીન આપે છે.
• ટીફીન બે ડબ્બાનું છે.અને તેમાં ટીફીન દાતા પોતાના ઘરે બનાવેલ પાંચ કે સાત રોટલી અને તેપ્રમાણમાં શાક આપે છે.
• ભારત વિકાસ પરિષદ,કપડવંજ દ્વારા ટીફીન દાતાના ઘરે નક્કી કરેલ તારીખના અગાઉના દિવસે ખાલી ટીફીન પહોચાડેછે.અને જે તે દિવસે નક્કી કરેલ સમયે અને સ્થળે પરિષદ દ્વારા જ લઇ જવાની વ્યવસ્થા કરવામાં આવેલી છે.
• ટીફીન સેવાના સુચારૂ સંચાલન માટે દશ ટીફીન દાતાઓ દીઠ એક ગ્રુપ સંચાલકની સેવા લેવામાં આવેછે. આવા એકત્રીસ ગ્રુપસંચાલકો છે.